الرئيسيةالرئيسية  البوابةالبوابة  التسجيلالتسجيل  دخولدخول  

شاطر | 
 

 الشاعر"هشام الجخ"

اذهب الى الأسفل 
كاتب الموضوعرسالة
Nour.m
 
avatar

الـجــــــنــــــــــــس : ذكر
عـــدد المشـــاركات : 813
الـإقامـــــــــة : Egy
الـ ـع ــمـــــــــــــــر : 21
مزاجي : تعبان

مُساهمةموضوع: الشاعر"هشام الجخ"    الثلاثاء 15 فبراير 2011, 11:30 pm

الشاعر"هشام الجخ"






هو " هشام كامل عباس محمود الجخ " شاعر مصري لقبه " هويس الشعر العربي "


ماكتبه هشام الجخ عن نفسه
( نقلا عن جروبه علي الفيس بوك )


" ازيكم جميعا اولا
بصوا بقى
الناس عايزاني اكتب هنا ( سي في) خاص بيا وبتاع
وانا مليش في الحاجات دي
من الاخر مبعرفش اتكلم عن نفسي كويس
لكن ما علينا
انا هشام الجخ
هشام الجخ بس
حاقعد اقول سافرت وحصلت وعملت ؟؟؟
حاسس انها شكل من اشكال (السهوكة) الغير مبررة
عموما
اسمي بالكامل
هشام كامل عباس محمود الجخ مهدي محمد علي سالم ابو جاموس
عمامي من قنا وخوالي من سوهاج
اتربيت في سوهاج ودخلت كلية التجارة هناك
كانت اياميها تبع جامعة اسيوط
حولت لجامعة عين شمس واتخرجت منها سنة 2003 وعملت دراسات عليا في ادارة الاعمال في جامعة عين شمس
اتعينت في الجامعة مسؤول عن المركز الثقافي في نفس سنة التخرج واستقلت من الجامعة في 11/ 2009
ومحدش يقول لي ليه
انا منفعش ابقى موظف من الاخر
مواليد اول اكتوبر برج الميزان يعني
بسمع حنان ماضي وانغام وشيرين ووائل جسار
بعشق منير ومارسيل خليفة وكاظم الساهر
بموت في ام كلثوم .. لكن كوكب الشرق عندي فيروز طبعا
بكتب شعر على مهلي
على مهلي جدا
بحترم الشعر
بحب الشعر وبذاكره وبهتم بيه ومش بقوله غير وانا عايز اقوله
بعشق عيون الناس وهي بتلمع وانا واقف على خشبة المسرح
وبموت في كلمة الله لما تطلع من الناس
وامنية حياتي اني لما اموت .. العالم كله يعرف ان هشام الجخ مات
اظن كدة كفاية كلام
تحياتي ؛
"هشام الجخ "



وله قصـــــــــــــــــــــــــــائد




قصيده انطردي الان من الجدول







https://www.youtube.com/watch?v=ZewLA5-O_WM&feature=related



كلمات قصيده انطردي الان من الجدول


" انطردي الآنَ من الجدولْ

موتي فالكلُّ هنا ماتوا وأنا اعتدتُ حياتي أَرْمَلْ
واعتدتَ الهَجرَ بلا سببٍ وبرغمِ الحيرةِ لم أسألْ
وظلَلْتُ أسجِّلُ أسماءً وأسطِّرُ خاناتِ الجدولْ

ضُنِّي إحساسَكِ ما شئتِ فأنا مَلِكٌ لا أتوسَّلْ
لا أبكي لفراقِ حبيبٍ أو أترجَّى أو أتذلَّلْ
رقةُ شِعري قَوْلٌ إفكٌ فَفُؤادي مِن صَخْرٍ جَنْدَلْ
علَّقتُ نساءً في سَقْفِي وجلسْتُ فخورا أتأمَّلْ
وغزوتُ عُيوناً لا تُغْزَى غافلتُ رموشاً لا تَغْفَلْ
و زَرَعْتُ النُّسوةَ في أرضٍ لا آخرَ فيها أَوْ أَوَّلْ
ديكتاتوريا إن أُعْطِي ديكتاتوريا إن أَبْـخَلْ
وَقَّعْتُ - أَنَا - صَكَّ الهَجْرِ فالحاكِمُ يَعْزِلُ لا يُعْزَلْ

فانطردي الآن من الجدول

غِيبِي فَلَكَمْ قَبْلَكِ غابوا لا شيءَ يَـجِيءُ وَ لا يَرْحَلْ
ما الوردُ إذنْ لَوْ لَمْ يَذْبُلْ ؟؟ ما الشمسُ إذنْ لو لم تَأْفُلْ ؟؟
لا تَنْتَظِرِينِي نَسْنَاساً أَقْبَلُ يَوْمَاً أن أتَسَلْسَلْ
وَ يَـجِيءَ الناسُ إلى قَفَصِي لِيَـرَوْا عُشَّاقاً تَتَـحَوَّلْ
تتقافزُ كالقِرَدةِ عِشْقَاً وَ تَـمُوتُ هَيَاماً وَ تُوَلْوِلْ
لُمِّي أشياءَكِ و ارتَـحِلِي بَحثاً عن آخرَ قَدْ يَقْبَلْ
أمَّـــايَ .. فلا ثَمَنٌ عِنْدَكِ تَقْبَلُهُ يدايَ لِتَتَكَبَّلْ
إن كان غرامُكِ لِي نَبْعَاً فَنِسَاءُ الدنيا لي مَنْهَلْ
وَ الجدولُ مُكْتَظٌّ جِدَّاً بِكَثِيرٍ مِثْلِكِ بَلْ أجمَلْ

فانطردي الآن من الجدول

غِيبِي وَ تَمَادَيْ في جَهْلٍ فأنا لا أعشقُ مَنْ يَجْهَلْ
إني بَحَّارٌ تَرْفُضُنِي كُلُّ الشُطْآنِ فَأَتَنَقَّلْ
اِعتدتُ السفرَ على مَضَضٍ وَ قَضَيْتُ حياتي أَتَجَوَّلْ
أرتشفُ بلاداً ونساءً فَهُنـا عَسَلٌ وهُنا حَنْظَلْ
و هنا عِشْتُ كَلِصٍ نَذْلٍ وَ هُنَا كُنْتُ نَبِيَّاً يُرْسَلْ
و هنا ذَبَحُوا شِعري عَمْدا وهنا شعري صارَ يُرَتَّلْ
وأنا والغُربةُ ما زِلْنَا نبحثُ عن وطنٍ لِنُظَلَّلْ
صادقتُ الغُربةَ في الغربةِ وقضيتُ سنيناً أَتَعَلَّلْ
بَرَّرْتُ جميعَ حماقاتي وَ ظَنَنْتُ بأني أتَجَمَّلْ
اليومَ أُزِيلُ عباءاتي وَ أُكَشِّفُ عن وجهي الأَوْحَلْ
مَلِّي عينيكِ بِلاَ خَجَلٍ فأنا الـمَوحولُ ولا أخجلْ
أَغْرَتْنِي أحلامُ الصِّبْيَةِ فَعَدَوْتُ إلى حُلْمِي الأمْثَلْ
وَ بدأتُ السفرَ بلا زادٍ وظننتُ بأني أتعجَّلْ
وَ نسيتُ اللهَ.. فأَهْمَلَنِي مَنْ ينسَى اللهَ وَ لا يُهْمَلْ ؟
حُمِّلْتُ بأثقالِ الدُّنيا أهربُ مِنْ ثِقْلٍ للأثقَلْ
و التفَّتْ طُرُقِي مِنْ حَوْلِي واختلطَ الأَقْصَرُ بالأَطْوَلْ
واخْتَلَطَتْ أحْرُفُ لافِتَتِي فَوَقَفْتُ مَكَاني كالأخْطَلْ
لَمْ أُسْطِعْ أن أُكْمِلَ سَيْرِي فجلستُ وحيداً أَتَسَوَّلْ
وَ بَنَيْتُ مَزَاراً وَ مَبِيتاً لا يَصْلُحُ إلاَّ لَلثُّمَّلْ
وَ قضيتُ حياةً واهِنَةً لا تَسْوَى في نَظَرِي خَرْدَلْ
فَعَلامَ تُرِيدِينَ بُكَائِي ؟ وَ أنا ذو قلبٍ مُسْتَعْمَلْ
أَبْلاَهُ الماضي لم يَتْرُكْ شيئاً لِبَلاءِ الـمُستقبَلْ

لا تَتَّهِمِينِي في عِشقِي فأنا أعشقُ حتَّى أُنْحَلْ
والجملُ وإن يعطشْ يصبِرْ وَ كَفِعْلِ الجَّمَلِ أنا أفعَلْ
أَهْلِكْتُ شَبابي وسنيني فَرَمَتْ بِي في صفِّ الكُهَّلْ
وَ وقفتُ بعيداً لأشاهدَ قصةَ عُمرِي وهِيَ تُمَثَّلْ
رفعوا خنجرَهم ودموعي لم تجعلْ أحداً يَتَمَهَّلْ
والتهبَ المسرحُ تصفيقاً وأنا أُطْعَنُ وأنا أُقْتَلْ
فَعَلامَ تظنينَ بِأنِّي آتٍ مِحْرابَكِ أتَبَتَّلْ ؟؟
دَوْرُكِ في الـمَشْهَدِ فَرْعِيٌّ بِوُجُودِكِ أو دُونَكِ يَكْمَلْ
وَكِلانا مكتوفُ الأيدي وَ سِتارُ المسرحِ لا يُسْدَلْ
والـحُكْمُ الصادِرُ في أمرِي حُكْمٌ فَصْلٌ لا يَتَأَجَّلْ
فدعيني في موتي وَحْدِي فأنا والغُربةُ لا نُفْصَلْ
ما دامَ الوطنُ بلا شيءٍ فالموتُ على شيءٍ أفضلْ

فانطردي الآن من الجدول

---





---




قصيده جحا






https://www.youtube.com/watch?v=z90qk08RKkM&feature=related



كلمات قصيده جحا




" شعور سخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو اللى كان من تحت ميت واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى
عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت عايش بدون لازمة ولما مرة شكيت إدونى بالجزمة
مش لاقى تطفح اديك
هاتولنا وجبولنا وادونا ودولنا
هنجيب منين نديك
طافح يابلدى غدايا
ولوعتى غدايا
وادىالاحبه التقى عدايا

أنا اللى زارعك دهب بتأكلينى سباخ
إن كان دة تقل ودلع بزيادة دلعك باخ
لا شفت فيكى هنا ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا -
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى حبس اعتباطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك بابنى شطوطى
ا نا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه أنا اتغذبت بيه
بتكرهينى عيونك السودة وأيامى اللى فاتت
مانتيش حبيبيتى من النهاردة
حبيبتى ماتت
علا صوت أدانك جرس فى الشدة صاحينلك
من امتى كانوا الحرس هما اللى باقينلك
بعتينى علشانهم وعنيكى معصوبة
ياهلترى خاينة ولا زيى مغصوبة
كل الكلام اتقال والشعر بقى ماسخ
والصبر علو جبال والظلم شىء راسخ
وطن وغرقان فى النطاعة
كل شىء ريحته نطاعة
علمونا بالعصاية ورضعونا الخوف رضاعة
علمونا فى المدارس يعنى ايه كلمة قيام
علمونا نخاف من الناظر فيتمنع الكلام
علمونا ازاى نخاف وازاى نكش بس نسيوا يعلمونا الاحترام
فمتزعلوش لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق؟
غير المشاكل والخناق
كل اللى بيقولك بحبك دول نفاق
أنا لما قلت لك بحبك كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين هما ليه بقوا مسجونين
يعنى أعيش علشان هدف علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة الحب مش شعر وقوالة
الحب حاجة ما تتوجدش فى وسط ناس بتجيب غداها من صناديق الزبالة
بارت مراعينا
والبئر قد جفَ
والجوع يكوينا
والصبر ما كّفى
والقلب لا يهدا
والجرح لا يشفى
ولأننا طوع زنا لهم خفا
جاءوا بموكبهم
واشتغلت الزفة
الدفة مظبوطة وأصلا مافيش دفة
والكفة مش مايلة علشان مافيش كفة
و جحا اللى جاى بالليل
لساه بيتخفى
شايف ديدان الغيط
سارحة ومارحماشى
من جبنه شاف الدود سابه وراح ماشى
ولا اتكسف للناس ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك احنا رجالتك أمانك
إحنا وقت الشدة سندك إحنا زادك
يا جحا احمى ولادك
لو كنت عايز تحمى طينك
سوف أرحل ربما يلقانى من ارجو لقاه
هامشى ويا الشحاتين وابكى على حلمى اللى تاه
بس مش هاشحت رغيف
هاشحت وطن لله "


---



قصيده انسحبوا





https://www.youtube.com/watch?v=Go7E3Rp4B2g&feature=related

كلمات قصيدة انسحبوا


انسحبوا
كان الاسلكى بعيد والعسكرى مسمعش
انسحبوا
شوفوا العجب يا ولاد العسكرى مرجعش
انسحبوا
اطرش دا ولا صنم
ارجع يا جندى بياده
دخل العدوا العريش ارجع خلاص بزياده
العسكرى سامع
لكنه واد مجدع
شال اربجيهه وضحك اشمعنا انا اللى ارجع
وقف الزمن مذهول ساعتين بيشاهد
الجندى قام كبر المدفع اتشاهد
الدبابات ظهرت
ارجع يا جندى نظام
دا كان كلام القياده
ودا برضوا وقت كلام
وقف الولد ددبان
ياساده يا سمعين
صادهم كما الدبان
محروس يا واد من العين
الدبابات صفين
اتفاجؤا وافترقوا
على كتفه كان مدفع
وعلى الجبين عرقه
غطاء العفار النار
ولا حد عاد شايف
والدبابات بتهل
ودا برضوا مش خايف
الضحكه على وشه متقولش بيصيف
ولسه الزمن واقف
مبسوط ومتكيف
الدبابات كترت
والكتره غلابه
والقلب لو مؤمن ولا الف دبابه
هتقولوا مات الولد
انا قولكم لاعاش
ما الجنه ولا فيها موت
ولا تددخل ببلاش"




قصيدة ايوه بغير







https://www.youtube.com/watch?v=TnzRQm4hx3o&feature=related


كلمات قصيدة ايوه بغير


أيوة بغير

لا انا نقصان ولا ضعفان
ولا مسطول ولا سكران
ولا زايغ من عيني الضيّ
ولا حد احسن مني في شيّ
بس بغير

واللي قالولك غيرة الراجل قِلّة ثقة او قلة فَهم
خَلْق حمير

غيرة الراجل نار في مَرَاجِل
نار بتنوّر مابتحرقش
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي

لو كان بايدي
كنت اعملك هندي بريش
واقلب شعري كنيش كرابيش
والبس لك سلسلة متدلدلة خرزة وقلب
بس ازاي البس لك سلسلة ؟؟ هو انا كلب ؟؟

ثم العبرة ماهيش في اللبس
اصل المشكلة عَندك .. عٍندك..
قلت حاسيبها وبكرة تحس
بعده تحس
بعده تحس
ده انا لو جبس كنت زعقت
ماشي صداقة وماشي زمالة
بس ماجَتْش على الرجالة

ماهي نسوان الدنيا كتير
وانا ما بقولش تخاصمي الناس
ولا تِتْحِجبي عن الرجالة
ولا تعتكفي وتسكني دير
بس يا ريت حبة تقدير
إني بحبك
واني بريدك
واني زرعت حياتي في إيدك
واني غزلت بنات الدنيا عقود على جيدك
واني تعبت من التفكير
واني بغير

صراحة مفييش حيل أكتب تاني .. سامحوني







عدل سابقا من قبل elnour في الأربعاء 08 يونيو 2011, 10:35 am عدل 4 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
catsamir
..عضو نشيط..
..عضو نشيط..
avatar

الـجــــــنــــــــــــس : ذكر
عـــدد المشـــاركات : 237
الـإقامـــــــــة : october 6th
الـ ـع ــمـــــــــــــــر : 31
مزاجي : نائم

مُساهمةموضوع: رد: الشاعر"هشام الجخ"    الأربعاء 16 فبراير 2011, 12:02 am

أنا عن نفسي فرأيي إن شعره ده تركيبة من أشعار تانية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sally
..عضو منورنا..
..عضو منورنا..
avatar

الـجــــــنــــــــــــس : انثى
عـــدد المشـــاركات : 196
الـإقامـــــــــة : elNourCafe
الـ ـع ــمـــــــــــــــر : 30
مزاجي : مبسوطة

مُساهمةموضوع: رد: الشاعر"هشام الجخ"    الأربعاء 16 فبراير 2011, 8:13 pm

ازاي يعني يا محمد يعني الحكام اللي كانو قاعدين مش فاهمين


وشكراااااااااااااااااااا يا تيتو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Nour.m
 
avatar

الـجــــــنــــــــــــس : ذكر
عـــدد المشـــاركات : 813
الـإقامـــــــــة : Egy
الـ ـع ــمـــــــــــــــر : 21
مزاجي : تعبان

مُساهمةموضوع: رد: الشاعر"هشام الجخ"    الأربعاء 16 فبراير 2011, 8:52 pm

أولا العفووووووووووووووووووووووو

ثانيا لأ ده ملك مش أمير ابقي ركز






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر"هشام الجخ"
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات برق :: المنتديات العامة :: المنتدي الأدبــــــــي-
انتقل الى:  

Powered by ahlamontada® Version phpbb2
Copyright ©2012 - 2013, Rock Enterprises Ltd.
تصميم :
NOUR
~ |[ .. جميع الحقوق محفوظة لــ منتديات برق .. ]| ~

Security by i.s.s.w